মুখ্য পৃষ্ঠা
06/04/25
16:28
•ধুনীয়া ছোৱালী জনী প্ৰেয়সী নহয়•
দিল্লীৰ পৰা অসম অভিমুখী ৰাজধানী এক্সপ্ৰেছৰ সংৰক্ষীত বিশেষ চিট টোত একান্ত মনেৰে বহি গৈছো মই |ইয়াৰ ফোনত মৃদু মৃদুকৈ বাজি গৈছে জনপ্ৰিয় কণ্ঠশিল্পীৰ এটি গীত "স্বপ্ন নহয় যে ই মোৰ ,পুৱতী নিশাৰ...." ৰেলৰ ঝক ঝক শব্দৰ তালে তালে গানটো মন পৰশা হৈ পৰিছে |সঁচাকৈ এইয়া মোৰ সপোন নহয় |সুদীৰ্ঘ পাঁচটা বছৰৰ পিচত ঘৰলৈ উভটিছো |ভাৰতীয়া নৌ সেনাৰ বাহিনীত যোগদান কৰা দিয়াৰে পৰা নৈ আৰু সাগৰৰ পাৰত ,কেতিয়াবা মাহ পৰ্য্যন্ত পানীৰ মাজত থাকি পাঁচটা বছৰ পাৰ কৰিলো |মা দেউতাৰ সপোন বাস্তৱকৰাৰ স্বাৰ্থত জলাঞ্জলী দিলো অভিনেটা হোৱাৰ সপোন |অৱশ্যে কেতিয়াবা নৈৰ মাজতো বিভিন্ন নাটকীয়া সংলাপেৰে বন্ধু মহলত হাঁহিৰ খোৰাক দিছিলো |কেতিয়াবা বিপদৰ মাজতো অভিনয়ৰ সংলাপেৰে সাহস দিছিলো |কেতিয়াবা নিজেও বিপদত পৰিছিলো |পাঁচটা বছৰৰ সুখ দুখৰ মধুৰ স্মৃতি বুকুতে লৈ নৌ সেনা বাহিনীৰ চাকৰি চিৰদিনৰ বাবে বিদায় জনায় ঘৰলৈ উভটিছো |মাৰ আদেশ ,সদায় বাহিৰত থাকিলে নহ'ব |বিয়াৰ বয়স হৈছে ,ছোৱালী এজনী চাই বিয়া পাতিব লাগে |মাৰ বয়স হৈছে ,কাম কৰিব আৰু নোৱাৰে |অৱশ্যে ময়ো সুখী হৈছো |বিয়া কৰাব কাৰণে নহয় ,অসমৰ ল'ৰা অসমৰ অসমতেথাকি কিবা এটা কৰিবৰ কাৰণে |
যাত্ৰাৰ প্ৰায় দুই ঘণ্টাৰ পিচত প্ৰথম বাৰলৈ সন্মুখৰ চিট টোলৈ চালো |খুউব সম্ভৱ এজন বিহাৰী সম্পদায়ৰ ব্যক্তি |বয়স প্ৰায় চল্লিছৰ উৰ্ধত | সোঁ ফালৰ প্ৰথম চিট টোত এগৰাকী মহিলা |লগত এটি দহ-বাৰ বছৰিয়া ল'ৰা |দ্বিতীয়টো চিটত এজন পুৰুষ আৰু এজনী ষোশড়ী গাভৰু | হঠাতে ছোৱালী জনীৰ ওপৰত চকু পৰাত আছৰিত হৈ গ'লো | এইয়া কি ? হাতত এখন মেলা কিতাপ |বেটুপাতত ডাঙৰ ডাঙৰ ৰঙা আখৰে লিখা আছে "কপৌফুলৰ দেশলৈ" লেখক- অনামিকা হাজৰিকা | এটি চিনাকি নাম |সৰুৰে পৰা বিভিন্ন কাকত আলোচনীত পঢ়িবলৈ পাইছো অনামিকা হাজৰিকাৰ কবিতা গল্প |
একেজাপে গৈ পুৰুষ আৰু গাভৰু গৰাকি ওচৰত পালোগৈ |
- আপোনালোক অসমৰ হয় নেকি ? অসমীয়াতে সুধিলো |
- হয় | তুমি পিছে ? পুৰুষ জনৰ প্ৰত্যুত্তৰ |
ছোৱালী জনীয়ে মুৰ তুলি চালে |এটি মিছিকিয়া হাঁহিৰে সম্ভাষণ জনালো | তাৰ পিচত চিনাকি পৰ্ব |যাত্ৰাৰ সুদীৰ্ঘ পথ চোৱা বিভিন্ন কথা বতৰাৰ মাজেৰে পাৰ কৰিলো | গাভৰু গৰাকীৰ হাতৰ পৰা কিতাপ খন লৈ লেখক গৰাকীৰ পৰিচয় বিচাৰিলো | নাই....| গাভৰু গৰাকীক সুধিলো | হয় তেওঁৱেই অনামিকা হাজৰিকা | যাৰ লগত বিভিন্ন কথাৰ মাজেৰে পাৰ কৰিলো তিনিদিনৰ যাত্ৰা |
মালৈ ফোন লগালো | মাৰ সৈতে পতা বিভিন্ন কথাৰ মাজতেই ধুনীয়া গাভৰু গৰাকী অৰ্থাত্ লেখিকা অনামিকা হাজৰিকাৰ অতি সাবধানেৰে পৰিচয় ল'লো |আৰু মোৰ নাটকীয় সংলাপেৰে তাই শুনাকৈ মাক ক'লো " মা ,মই কাৰোবাৰ প্ৰেমত পৰিছো | কিন্তু ধুনীয়া ছোৱালী জনী মোৰ প্ৰেয়সী নহয় ।
___ ৰাজু কলিতা
02/02/15
